• Watter faktore kan die absorpsie en verspreiding van sedatief-hipnotiese middels beïnvloed?  Wat is die kliniese belang hiervan?

Vetoplosbaarheid/Lipofiliteit: Hoe meer lipied oplosbaar ‘n geneesmiddel is, hoe vinniger is die verspreiding. Maw die absorbsie is ook beter en ‘n aanvang van werking sal vining verkry word in die brein waar dit die effekte moet uitoefen.

Dit is klinies belangrik om die aanvangswerking van ‘n middel te bepaal om te weet wanneer die farmakologiese effek verwag kan word en om ‘n doseringskedule te kan uitwerk.

Dit is ook belangrik om te weet dat ‘n GM wat minder lipofilies is, gebruik kan word waar sitochroom P450 (verantwoordelik vir oksidasie) aktiwiteit vertraag is aangesien hierdie middels nie dealkilering en oksidasie ondergaan tydens metabolisme nie, maar dadelik gekonjugeer word. Hierdie GM’s kan dan by bejaardes, neonate, lewersirose en terapie met sitochroom P450 ensiem remmers gebruik word sodat metabolisme steeds voldoende kan plaasvind.

• Wat beteken herdistribusie en wat is die belang daarvan?

Herdistribusie is wanneer geneesmiddels versprei na een deel van die liggaam maar ook dan weer van daardie deel na ander weefsel en so uit die liggaam beweeg. Dit is noodsaaklik sodat ‘n terapeutiese effek kan plaasvind.

• Hoe word die BD’e gemetaboliseer?  Gee die verskillende stappe in die proses.

Bensodiasepiene word stapsgewys gebiotransformeer deur lewermikrosomale ensieme onder normale omstandighede.

1. Dealkilering (Aktiewe metaboliete)
2. Oksidasie (Sit P450: aktiewe metaboliet)
3. Konjugasie (Fase 2) van geoksideerde metaboliet met glukuronsuur om onaktiewe metaboliet te vorm.

• Watter BD’e word na aktiewe metaboliete omgeskakel?  Wat is die belang hiervan?

Diasepam, Chloorasepaat, Prasepam, Chloordiasepoksied en Ketasolam word omgeskakel na aktiewe metaboliete.

Die aktiewe metaboliete verleng die werkingsduur van die Bensodiasepiene.

Wees versigtig by bejaardes, neonate, lewersirrose en terapie met P450 ensiemremmers, omdat die Bensodiasepiene nie voldoende sal metaboliseer nie.

• Watter BD’e is nie afhanklik van die sitochroom P450 oksidatiewe ensieme vir metabolisme nie?  Wat is die voordele hiervan?

Geneesmiddels soos Oksepam, Lorasepam, Temasepam en Lormetasepam is nie afhanklik van die sitochroom P450 oksidatiewe ensieme vir metabolisme nie. Die middels word dadelik gekonjugeer tydens metabolisme en word NIE gedealkileer of geoksideer nie.

Die voordeel is dat die middels ideaal is in pasiënte waar die sitochroom P450 aktiwiteit laag is omdat daar steeds voldoende metabolisme kan plaasvind. Daar vorm ook geen aktiewe metaboliete nie.

• Wat is ensieminduksie?  Watter van die sedatief-hipnotiese middels is bekend hiervoor?  Wat is die kliniese belang van hierdie ensieminduksie?

Ensieminduksie is die verhoging in ensiem aktiwiteit as gevolg van meer sitochroom P450 ensieme teenwoordig.

Dit kan dus die metabolisme en uitskeiding van geneesmiddels verhoog wat sal lei tot ‘n verlaagde farmakologiese effek.

Bv. Barbiturate soos Fenobartitoon