• Watter tipe kinetika ondergaan etanol in die liggaam?  Verduidelik ook wat die kliniese betekenis hiervan is.
• Gee ‘n kort opsomming van die metaboliese weë van etanolmetabolisme.
• Watter geneesmiddels kan hierdie metabolisme beïnvloed en wat is die effekte daarvan?
  
  1. Zero-orde kinetika word gevolg, dus word dieselfde hoeveelheid alkohol in die liggaam gemetaboliseer ongeag van die inname alkohol. Bv. 1g/h vir elke 10kg liggaamsmassa.  
      
  2. Alkohol word óf deur alkoholdehidrogenase ensiemsisteem óf deur ‘n gemende funksie oksidasie sisteem (MEOS) gemetaboliseer. Die alkoholdehidrogenase ensiem is primêr verantwoordelik vir die metabolisme van lae tot matige inname van etanol. In die sisteem is ‘n beperkte hoeveelheid NAD (ko-ensiem) en vind zero-orde kinetika plaas waar 7-10 g/h gemetaboliseer word. Die tempo van afbraak bly konstant, ongeag van die inname etanol. MEOS (mikrosomale etanol oksidasie sisteem) ensiemsisteem word geïnisieer wanneer ‘n hoër konsentrasie (>100 mg/dL) etanol teenwoordig is. Die MEOS aktiwiteit verhoog met chroniese gebruik van alkohol. Dit is gedeeltelik verantwoordelik vir die toleransie van alkohol.

Etanol word gemetaboliseer na asetaldehied óf deur alkoholdehidrogenase ensiemsisteem óf deur ‘n gemende funksie oksidasie sisteem (MEOS). Asetaldehied word gemetaboliseer na asetaat deur die ensiem aldehied dehidrogenase. Asetaat word omgesakel na CO₂ en H₂O wat uitgeskei word.

1. 3. Disulfiram (Antabuse®), Metronidasool (Flagyl®), Hipoglisemiese geneesmiddels en Kefalosporiene inhibeer die ensiem aldehied dehidrogenase. Asetaldehied kan nie gemetaboliseer word na asetaat nie en ‘n opeenhoping van asetaldehied vind plaas. Simptome soos naarheid, braking, hoofpyn, gloede, hartkloppings, blosing en duiseligheid word ervaar.