• Watter tipe ioonkanale word op senuselmembrane gevind?

• Potensiaalbemiddelde ioonkanale
• Ligandbemiddelde ioonkanale

• Noem 3 verskille tussen potensiaalafhanklike en ligandafhanklike ioonkanale.

• Potensiaalafhanklike ioonkanale het metabotrobotropiese reseptore, waar ligandafhanklike ioonkanale ionotropiese reseptore het.
• Potensiaalafhanklike ioonkanale word gestimuleer deur veranderinge in die membraanpotensiaal van die sel, waar ligandafhanklike ioonkanale gestimuleer word deur die binding van ‘n neurotransmitter aan die ioonkanaal.
• Potensiaalafhanklike ioonkanale maak gebruik van tweede boodskapper proteïene, waar daar geen tweede boodskappers betrokke is by  ligandafhanklike ioonkanale nie.

 

• Vergelyk ionotropiese en metabotropiese reseptore.

Metabotropiese reseptore

• Verantwoordelik vir metaboliese veranderinge
• G-Proteïene is betrokke, wat veroorsaak dat effekte langer duur
• Dra sein oor van die selligaam na terminaal

Ionotropiese reseptore

• Verantwoordelik vir die opening van ioonkanale
• Ionotropiese reseptore is betrokke, wat lei tot korter duur van effekte
• Die ioonkanaal word gereguleer d.m.v interaksie met die ligand en reseptor.

• Klassifiseer die SSS reseptore in ionotropiese en metabotropiese reseptore en ken die transduksiemeganisme van elke reseptor.

Ionotropiese reseptore

Die volgende reseptore het ligandbemiddelde transduksiemeganismes:

Reseptor	Transduksiemeganisme (Neurotransmitter)
GABA-A	GABA (γ-aminobottersuur)
Nikotinies (N)	AcH (Asetielcholien)
Glutamaat reseptore: NMDA, Kainate, AMPA	Glutamaat Of Aspartaat
5-HT3	Serotonien

Metabotropiese reseptore

Hierdie transduksiemeganisme gebruik adenielsiklase as 2de boodskapper:

Reseptor	Neurotransmitter
β 1+2	NA/A (Noradrenalien/adrenalien)
Dopamien	D1 (dopamien), D2
α 2	Noradrenalien /Adrenalien
5-HT1 A en B (Serotonien)	5-HT (Serotonien)
M2 en M4 (Muskarinies)	AcH (Asetielcholien)
mGlu1 (‘n Glutamaat reseptor)	Glutamaat of aspartaat

Hierdie transduksiemeganisme gebruik die Fosfolipase-C stelsel:

Reseptor	Neurotransmitter
α1	NA/A
5-HT 2	5-HT
M1,M3,M5	AcH
Histamien1	H (Histamien)
mGlu8 (Glutamaat reseptor)	Glutamaat of aspartaat

• Verduidelik die verskil tussen 'n EPSP en 'n IPSP en gee voorbeelde van elk.

EPSP: Eksitatoriese post sinaptiese potensiaal

Wanneer ‘n eksitatoriese weg gestimuleer word, deurdat bv. glutamaat aan die NMDA reseptor bind en stimuleer, vind daar depolarisasie plaas wat ‘n eksitatoriese membraan potensiaal tot gevolg sal hê. Daar is ‘n toename in die ioondeurlaatbaarheid en die SSS word gestimuleer.

Bv. ‘n NMDA agonis kan gebruik word om ‘n pasïent se SSS werking te stimuleer terwyl ‘n antagonis dit sal onderdruk.

IPSP: Inhiberende post sinaptiese potensiaal

Wanneer ‘n inhiberende weg in die SSS gestimuleer word deurdat γ-aminobottersuur (GABA) aan ‘n GABA reseptor bind en die reseptor prikkel, word die post sinaptiese potensiaal gehiperpolariseer weens die selektiewe opening van chloor kanale sodat ‘n inhiberende post sinaptiese potensiaal kan ontwikkel wat uiteindelik die SSS gaan “onderdruk”.

Bv. GABA –agonis gebruik wanneer ons iemand wat epilepsie het wil behandel om sodoende die SSS te onderdruk om uiteindelik die epileptiese aanval te stop, ‘n GABA – antagonis sal tipies dan gebruik word wanneer ons die SSS-werking wil stimuleer in ‘n pasïent.

• Wat is die rol van kalsium in die ontwikkeling van 'n sinaptiese potensiaal?

Kalsiumione wat vrygestel word stimuleer die vrystelling van neurotransmitters uit sinaptiese vesikels tot in die sinaptoese gleuf wat lei tot die ontwikkeling van ‘n sinaptiese potensiaal.