In watter siektetoestande is angiotensinogeenvlakke verhoog?  Wat is die implikasies hiervan?

• Angiotensinogeen vlakke word verhoog wanneer daar ‘n afname in bloeddruk is. Die implikasie hiervan is dat die angiotensien I en II vlakke ook sal verhoog, en die bloeddruk uiteindelik sal herstel.

Wat is die rede daarvoor dat middels wat die angiotensienstelsel deur werking op angiotensienreseptore rem, minder newe-effekte het as die wat AOE rem?

• Die ACE remmers het ‘n invloed op die bradikinien stelsel, terwyl die angiotensien remmers nie ‘n effek op ‘n ander sisteem het nie, en dadelik die terapeutiese effek ontlok.

Op watter wyse het AOE-remmers ‘n tweevoudige meganisme van werking by die behandeling van hipertensie?

• AOE-remmers het ‘n invloed op die angiotensien II sisteem, sowel as die bradikinien sisteem, en daarom die tweevoudige meganisme van werking. Met die angiotensiensisteem, veroorsaak die middels dat die AOE geinhibeer word, en dit lei tot ‘n afname in die vorming van angiotensien II, wat dan die bloeddruk verlaag. Die inhibisie van die AOE, veroorsaak dat bradikinien nie omgeskakel kan word in onaktiewe metaboliete nie, en die oormaat bradikinien lei tot vasodilatasie en uiteindelik tot laer bloeddruk.

Op watter tipe angiotensienreseptore werk losartan en soortgelyke middels?  Het hulle enige effekte, direk of indirek, op ander angiotensien II-reseptore?

• Die middels werk in op die angiotensien II reseptore, en het ook ‘n effek op angiotensien I reseptore.

Wat is die fisiologiese effekte van kiniene op arterieë en vene?  Speel ander outakoïede ‘n rol in hierdie werking?  Verduidelik.

• Kiniene is potente vasodilatoriese peptiede, en veroorsaak gevolglik vasodilatasie in arteries en veneuse kontraksie. Prostaglandiene speel ook hier ‘n rol.

Watter reseptor is waarskynlik die mees betrokke in die klinies-belangrike effekte van kiniene?

• Bradikinien reseptore. (B1 & B2)

Op watter wyse is natriuretiese peptiede moontlik effektief in die behandeling van hipertensie, asook kongestiewe hartversaking?

• ANP en BNP is effektief vir hipertensie en hartversaking, omdat hulle dilatoriese effekte het, en die vullingsdruk en bloedvolume laat afneem.

Wat is neprilisien en wat is die rasionaal om sy aktiwiteit te inhibeer by die behandeling van hartversaking. Kan jy die middel noem wat sodanig gebruik word. Verwys ook na leereenheid 1 waar julle ook met die spesifieke middel te doen gekry het.

• Neprilisien is ‘n neutral endopeptidase wat verantwoordelik is vir die afbraak van die natrueretiese peptiese in die niere, lewer en longe. Die inhibisie van neprilisien verhoog die sirkulende vlakke van ANP en BNP en veroorsaak gevolglik natiurese en diurese.
• Die middel wat sodanig gebruik word, is: Sacubitril, wat in kombinasie met Valsartan effektief is vir die behandeling van hartversaking.

Gee voorbeelde van endotelium-afgeleide vasodilatore en vasokonstriktore.

• Vasodilatore: prostasiklien
• Vasokontriktore: endotelien 1